Strengthening Partnerships for Community Resilience in Indonesia and Timor-Leste (SPRINT)

Asian Disaster Preparedness Center (ADPC)

Strengthening Partnerships for Community Resilience in Indonesia and Timor-Leste (SPRINT)  No sigla  Tetun, Hametin Parseria Reziliénsia Komunidade iha Indonézia no Timor-Leste..

Ainaro iha loron 02/12/2025 ekipa projetu SPRINT Timor-Leste Nafofila hetan vizita husi ekipa projetu Sprint Indonesia.

Objetivu husi vizita ne’e atu halo estudu komparativu kona-ba atividade sira ne’ebé ekipa projetu rua, Indonézia no Timor-Leste implementa ona durante ezisténsia projetu sprint. Iha parte seluk, liu husi estudu komparasaun ida ne’e atu nune’e ekipa rua ne’e bele fahe esperiensia ba malu hodi adapta esperiensia foun balun atu nune’e bele implementa iha area tarjetu ida-idak tantu Indonesia no Timor-Leste.

Iha loron 03/12/2025 Molok vizita atividade PIP ne’ebé Fundasaun Nafofila implementa iha aldeia alvu Rua Leo-lima no Manu-tasi, ekipa projetu rua husi Indonézia no Timor-Leste hala’o audiénsia ho Autoridade Munisipál, Reprezentante Prezidente Autoridade Munisipál Ainaro SEC. II Ainaro inklui liñas Ministeriais hanesan:, Diretor ONG Munisipiu, Agrikultura, APC inklui Xefe departamentu ONG Munisipiu Ainaro.

Objetivu husi sorumutu ne’e ko’alia kona-ba kolaborasaun no kooperasaun entre Fundasaun Nafofila ho Autoridade Munisipál, no mós ministériu relevante sira. Iha biban ne’e, diretór ONG’S Munisípiu Ainaro, Sr. Jonato de Araujo hateten: Durante ne’e Fundasaun Nafofila koopera di’ak tebes ho autoridade munisípiu sira inklui liña ministeriál sira hotu, no ami mós halo monitorizasaun no kontrolu ba atividade sira ne’ebé Fundasaun NAFOFILA implementa ona iha aldeia tarjetu sira, nune’e bele garantia nafatin kualidade no atividade hotu-hotu ba benefisiu ba komunidade.

Tuir mai, ekipa projetu SPRINT Indonesia hamutuk ho ekipa Nafofila kontinua sira nia viajen ba Leo-lima hodi observa direitamente atividade sira ne’ebé Fundasaun Nafofila implementa ona hanesan: Alfaiate, Hortikultura, Poupa Emprestimu (VSLA) no Protesaun Bé. Iha ne’ebá, komunidade sira sente kontente no simu ho antusiasmu boot, hodi fahe esperiénsia no atualiza rezultadu servisu ne’ebé durante ne’e komunidade sira implementa husi projetu SPRINT.

1. LAMPUNG-Indonesia & AINARO Timor-Leste
2. NAFOFILA & MAHARU
3. MITRA BENTALA & PALUMA

@Copy:Amandio Da Silva Costa