#Copyright : Eus MAHARU
Ekipa husi projetu SPRINT Indonesia no Timor-Leste halao Avaliasaun kona-ba implementasaun atividade husi MAHARU no Nafofila
Ainaro, 04 Dezembru 2025- Ekipa Haforsa Parseria Resiliénsia Komunitária iha Indonesia no Timor-Leste (SPRINT) halo avaliasaun kona-ba vizita ne’ebé hala’o iha grupu no komunidade benefisiáriu sira iha área implementasaun projetu. Avaliasaun ne’e foku ba koperasaun komunidade, implementasaun atividade, no rezultadu sira.
Durante avaliasaun, ekipa SPRINT Indonesia hato’o apresiasaun ba konsisténsia komunidade sira iha Timor-Leste, ne’ebé demonstra partisipasaun diak tebes iha implementasaun atividade sira. Sira dehan diferensa kona-ba esperiénsia iha Indonesia, tanba komunidade iha Timor-Leste hatudu koperasaun forte no atitude ne’ebé diak tebes iha atividade sira.
Ekipa Indonesia mos observa diferensa iha konteksu tradisaun no kultura, ne’ebé seidauk lakon iha komunidade lokal. Grupu benefisiariu husi projetu SPRINT iha Timor-Leste mostra responsabilidade boot no senti nain iha implementasaun atividade sira.
Parte husi avaliasaun, ekipa SPRINT Indonesia rekomenda atu kontinua promove produsaun lokal, inklui valorizasaun produtu komunidade no promosaun atividade grupal. Sira hato’o katak komunidade iha Timor-Leste iha pontu forte iha kooperasaun no motivasaun atu kontinua hadia atividade sira.
Ekipa SPRINT Indonesia mos dehan katak komunidade iha área rural, maski hela iha distancia ne’ebé dook, mostra partisipasaun ativu tebes no hetan suporta boot husi autoridade lokal diferensa signifikante ho esperiénsia balun husi ekipa Indonesia.
Ekipa SPRINT Timor-Leste fo hanoin katak vizita ekipa Indonesia nian fó motivasaun boot, tanba aleinde vizita, ekipa Indonesia partilla esperiénsia kona-ba:
Maneira planea no operacionaliza resiklajen atu bele fo benefÃsiu ekonómiku.
Estratéjia atu promove produtu lokal.
Tátika promosaun atividade iha média sosiál.
Vizita no avaliasaun ne’e parte husi Projetu Haforsa Parseria Resiliénsia Komunitária iha Indonesia no Timor-Leste (SPRINT), ho apoiu husi Asian Disaster Preparedness Center (ADPC). Projetu ne’e implementa husi Paluma Nusantara no Mitra Bentala husi Indonesia, hamutuk ho Fundasaun MAHARU no Nafofila husi Timor-Leste atu fó reforsa ba komunidade nia kapasidade iha area resiliénsia, preparasaun ba dezastre no dezenvolvimentu komunidade.
Eus, Mael Gueda, Racom Maubisse Mauloko
#SPRINT #ADPC #MAHARU #Nafofila #ResilienciaKomunitaria #IndonesiaTimorLeste #DesenvolvimentuRural #ProdutuLokal #PalumaNusantara #MitraBentala #KomunidadeResiliente #ParceriaRegional
#Copyright : Eus MAHARU
05 /12/ 2025
- https://wa.me/qr/S4Z35S4FBICFD1
- https://www.instagram.com/gariana2407?igsh=OXVkaWpscGU3Z2c2
- https://www.facebook.com/lhylovethy.silvalomos
- http://www.youtube.com/@JL_kmanek
0 Komentar